Хүүхдэд хамгийн чухал амин дэм юу вэ?

Jenny Logan DNMed

Сүүлийн жилүүдэд эрдэмтэд Д амин дэмийн үр ашгийн талаар судалгаа шинжилгээ ихээр хийх боллоо. Уг судалгаануудын үр дүн ч гарсаар байна.

Женни Логан(20 гаруй жилийн туршлагатай хоол зүйч эмч)

Бага насны хүүхдүүд Д витамин хангалттай авч байх нь тэдний өсөлт хөгжилтөд нэн чухал юм.

Эсийн хөгжил
Тулгуур эрхтэн тогтолцоо(яс , булчин)-н хөгжил
Кальцийн шимэгдэлт зэрэгт Д амин дэм нэн чухал үүрэг гүйцэтгэдэг.

Хүүхэд насандаа хангалттай хэмжээний Д витамин авч байх нь насанд хүрсэн хойно үүсэх дараах эрсдлүүдийг бууруулна.

Зүрх судасны өвчин
Яс сийрэгжилт
Чихрийн шижин
Дахилтат халдвар
Аутоиммуны өвчин

Д витамин нь бидний биед нарны туяанаас нийлэгждэг. Мөн бид уг витаминыг загасны мах, үхрийн элэг, бяслаг, өндөгний шар, олон төрлийн мөөг зэрэг хүнснээс авах боломжтой байдаг.

‘Healthy Lifestyle in Europe by Nutrition in Adolescence’ (HELENA) байгууллагаас 12-17 насны 1006 хүүхдийг хамруулан судалгаа хийсэн байна.

Уг судалгаагаар Итали, Грек, Австри, Испани, Швед, Унгар, Франц, Креет, Герман зэрэг 9 улсын 1006 өсвөр насны охид, хөвгүүдэд түргэвчилсэн цусны шинжилгээ хийжээ.

Цусны шинжилгээгээр Д витамины дутагдлыг дараах 4 бүлэгт хуваасан байна.

Хангалттай
Хангалтгүй
Дутагдалтай
Хүнд хэлбэрийн дутагталтай.

Судалгааны үр дүнгээр хүүхдүүдийн:

39% нь Д витамин хангалтгүй
27% Д витамин дутагдалтай
15% Д витамины хүнд хэлбэрийн дутагдалтай байсан.

Англи улсад рахитаар өвчлөх хүүхдийн тоо сүүлийн жилүүдэд 4 дахин ихэссэн мэдээлэл байна. Рахит бол яс зөөлөрч тулгуур эрхтэн тогтолцооны бүтцийн гажиг үүсдэг өвчин юм.

Нэгэн судалгааны үр дүнгээр Д амин дэмийн дутагдал нь Их Британы цагаан арьстай хүн амын тал хувь, олон үндэстэн хүн амын 90%-д тохиолдож байгаа нь харагдсан байна.

Английн Үндэсний Эрүүл Мэндийн байгууллагаас (NICE) жирэмсэн болон хөхүүл эмэгтэйчүүд, 6 сараас 4 настай хүүхдүүдийг өдөр тутамдаа 400 ОУН Д витаминыг жилийн турш байнга нэмэлтээр хэрэглэхийг зөвлөж байна.